ԱՆՑՅԱԼԻ ԱՆՑԱԿԵՏՈՒՄ

Այս անցյալը
Կարծես լինի անցակետ`
Մի սահմանի անցած,
Որն անցնելու համար,
Թերևս, քիչ է գրավելը…
Ու մի բան էլ ավել…
Այս անցյալը
Կարծես լինի հանցակետ`
Մի հանցանքի չկատարած,
Որ ջնջելու համար
Քիչ է օրենսգիրքն այրելը…
Ու մի բան էլ ավել…
Այս անցյալը
Կարծես լինի հանցագետ,
Որին խոսքի վերջում անգամ
Թերի է թվում երկու կետը…
Ու մի բան էլ ավել`
Երրորդն է դնում միշտ այդ (տ)գետը:

 

LM 2012